Isang Guide para sa CardMon Hero

Habang naghihintay ng OBT, bakit hindi muna natin aralin ang mga simpleng aspeto ng laro? Nakita ko ang guide na ito sa website ng CardMon Hero.


http://forum.t3fun.com/files/cardmon/media/interface-guide/index.html


Nakakatuwa kasi para ka talagang nasa laro. Malaking tulong ito para sa mga baguhan na gustong subukan ang CardMon Hero kapag nailabas na. Kung hindi niyo alam kung paano gamitin, ilagay lamang ang panturo sa bagay na gusto mong malaman.




Maaari ring pindutin ang ilan sa mga ito para malaman kung ano ang nakalagay doon. Halimbawa ang nasa larawan sa kaliwa. Nung pinindot ko ang "exclamation point" o tandang padamdam, ito ang lumabas.

Pagkontrol at paggalaw

Tulad ng ibang MMORPG, ang iyong karakter sa CardMon Hero ay makokontrol sa pamamagitan ng paggamit ng mouse at keyboard. Narito ang isang simpleng guide tungkol sa paggalaw ng iyong karakter.



Maaaring gamitin ang mouse sa pagpapagalaw ng iyong karakter. Ituro lamang ang lugar na gustong puntahan at pindutin ang kaliwang pindutan ng mouse. Kung gusto namang palitan ang tingin ng kamera, igalaw lamang ang mouse habang nakapindot sa kanang pindutan.

Kung ang inyong mouse ay may naiikot na pindutan sa gitna, katulad ng nasa larawan, maaari itong gamitin upang palapitin o palayuin ang tingin ng kamera.


Para naman sa keyboard, narito ang isang larawang makatutulong para matandaan kung anu-ano ang mga dapat pindutin kapag naglalaro.



Ang W,S,A, at D, ay maaari ring gamitin upang paggalawin ang iyong karakter paharap, pakaliwa, pakanan, at palikod. Gamitin ito kung mas komportable kayong gumamit ng keyboard kaysa sa mouse.

Gamitin ang spacebar kung nais kumuha ng mga items o kagamitan na nahuhulog ng mga napapatay na halimaw.

Pindutin ang letrang "Q" kung gustong mong atakihin ng iyong karakter, at ng iyong mga kakampi, ang kalaban. Maaari rin itong gawin gamit ang mouse sa pamamagitan lamang ng pagpindot ng dalawang beses sa halimaw na gustong atakihin.

Pindutin ang "E" kung ang nais lamang palusubin ay ang mga kakampi mong halimaw.

Pindutin ang "R" kung gusto mong tumigil sa pag-atake ang mga kakampi mong halimaw.

At huli, pindutin ang "T" kung nais ipawalang bisa ang mga kakamping halimaw. Sila ay mawawala kapag pagkatapos nito.

Ano nga ba ang CardMon Hero?

Bilang pinakaunang post sa blog na ito, nais kong liwanagin muna kung ano ang CardMon Hero, kung sakali mang naligaw lang kayo rito sa blog na ito at hindi alam kung ano ito.

Ang CardMon Hero ay isang MMORPG o isang online game na kung saan may mga tao kang kasabayan mong naglalaro. Sa larong ito, ikaw ay gagawa ng isang karakter o tao na kokontrolin mo sa pakikipaglaban sa ibang mga halimaw.



Ito ang seleksyon. Tulad ng makikita, maraming mapagpipiliang kasuotan at kagamitan para sa iyong karakter. Pumili lamang ng itsura at ng sandata na iyong napupusuan. Sa aking pagkakaalala, maraming sandatang pwedeng pagpilian tulad ng espada at kalasag, MALAKING espada, pana at palaso, baston, at iba pa.


Sa lahat ng nakapalaro na ng iba pang MMORPG, ang kaibahan ng CardMon Hero sa karaniwang MMORPG ay ang kakayahan ng karakter mo na magtawag o magsummon ng mga kakampi gamit ang mga nakuhang cards o baraha. Narito ang isang screenshot ng paglaban ko kasama ang isang "Gaal" at dalawang "Spearman."



Sa kabuuan, ang CardMon Hero ay isang bagong MMORPG na nagbibigay sayo ng kakayahang magpatawag ng mga kakampi sa labanan.